लिभरपुलले एसी मिलानलाई हरायो

काठमाडौं । च्याम्पियन्स लिगमा लिभरपुलले एसी मिलानमाथि ३–१ को गोलअन्तरले जीत हासिल गरेको छ । खेलको सुरुवातमा एसी मिलानका विङ्गर क्रिश्चियन पुलिसिकले तीन मिनेटमै गोल गर्दै टोलीलाई अग्रता दिलाएका थिए। तर २३ औं मिनेटमा इब्राहिमा कोनाटेले ट्रेन्ट अलेक्ज्यान्डर–अर्नोल्डको फ्रि–किकबाट हेडर गोल गर्दै लिभरपुललाई बराबरीमा ल्याए र भर्जिल भान डाइकले कन्ष्टन्टिनोस त्सिमिकासको कर्नरमा नजिकैबाट हेडर गोल गर्दै पहिलो हाफ समाप्त हुनु अघि लिभरपुललाई अग्रता दिलाए। खेलको ६७ औं मिनेटमा डोमिनिक सोबोस्लाईले गोल गर्दै लिभरपुलको जीतलाई पक्का गरे।